"မိဘေက်းဇူးဆိုင္ရာ ပါဠိ + ဂါထာ+
ကဗျာ +ဆောင်းပါးများ" ပြန်လည် စုစည်းဖော်ပြပါသည်"။
"ကျေးဇူးကြီးလှ မိနှင့်ဖ"
မိဘကျေးဇူးဆိုင်ရာ ဂါထာ+အနက်
"ကျေးဇူးကြီးပေ တို့ဖေမေ"
မာတာပီတာ စ ပုတ္တာနံ
ဗဟုကာရာ စ ပေါသကာ ။
ဒေဿတာရော စ လောကဿ
ဗြဟ္မာတိ သဒိသာ ဂရူ ။
#မာတာစ = သားသမီးဒုက္ခ မှန်သ
မျကို လုံးမညည်းညူ ချစ်ကြည်ဖြူလျက်
မွေးမြူတတ်ပေ ချစ်မေမေသည်လည်းကောင်း။
#ပီတာစ = သားသမီးတတွေ ချမ်းသာစေဖို့ ရှာဖွေကျွေးမွေး ပိုက်ထွေးယုယ ဖေးမအစဉ် ကျွေးဖခင်သည်လည်းကောင်း ။
#ပုတ္တာနံ =ဘဝရေစက်ရှေးပန္နက်ကြောင့် ဆင်းသက်ပေါက်ဖွားသားသမီးတို့အား ။
#ဗဟုပကာရာ=ဘဝတစ်သက်တာ
ပေးဆပ်ပါလည်း ကုန်စရာမမြင်
အလွန်ပင်ကြီးမား ကျေးဇူးများလှပါပေကုန်၏ ။
#ပုတ္တာနံ=မိမိကကျွေး မိမိမွေးသည်
ရင်သွေးမျက်ချစ် ရင်နှစ်သည်းချာ
သားသမီးရတနာတို့ကို ။
#ပေါသကာစ= ဘေးရန်ကင်းပ
ချမ်းသာရအောင် နေ့ညမသွေ
စောင့်ရှောက်မွေးမြူ တတ်ကြပါပေကုန်၏ ။
#လောကဿ=သားရေးသမီးရေး
စီပွားရေးနှင့် နေရေးထိုင်ရေး ရှုပ်ထွေးပွေလီ အတည်မကျ ဤလူ့လောကအကြောင်းကို ။
#ဒေဿတာရောစ= အကြောင်းအကျိုး အကောင်းအဆိုးကို ချိန်ထိုးပိုင်းဖြတ်
ဝေဖန်တတ်အောင် မပြတ်ပြုပြင်
သွန်သင်ညွှန်ပြ တတ်ပါကုန်၏ ။
#ဗြဟ္မာတိ သဒိသာစ =ဗြဟ္မစိုရ်တရား
အမြဲပွားသဖြင့် ထက်ဖျားဗြဟ္မာ
နတ်ဒေဝါနှင့် အိမ်မှာပူးကပ် အိမ်ဦးနတ်
တမူ အလားတူကြပါပေကုန်၏ ။
#ဂရူစ=တတ်သင့်တတ်ရာ အဖြာဖြာနှင့်
လိမ္မာရေးခြား သိဥာဏ်ပွားအောင် ပြောကြားပြသ ဆိုဆုံးမဖြင့် ဘဝရှေ့ဆောင်ဂုဏ်ရောင်ကဲသာ လက်ဦးဆရာကြီးတို့ ပါပေတည်း ။
၂၂-၆-၂၀၁၈-သောကြာနေ့
သုခိတာ ဟောထ ဒုက္ခာ မုဉ္စထ။
crd: Ven Rajinnda
---------------------------
"ပူဇော်ထိုက်သူ"
ဗြဟ္မာတိ မာတာပိတရော
ပုဗ္ဗာစရိယာတိ ဝုစ္စရေ။
အာဟုနေယျာစ ပုတ္တာနံ
ပဇာယအနုကမ္ပကာ။
အလှူခံပုဂ္ဂိုလ်ထူး
လက်ဦးတဲ့မြတ်ဆရာ
ထက်ကောင်းကင်ဗြဟ္မာမျိုး
တိုးလို့မှတ်ပါ
ထိုသူဟာဘယ်မှာရှိငြား
တခြားမောင်မရှာနဲ့
နောင်အခါပူဇော်ရမယ်
မိဘနှစ်ပါး။
--------------------------
"ပူဇော်ထိုက်သူ" ဂါထာ+အနက်
ဗြဟ္မာတိ မာတာပိတရော ၊ ပုဗ္ဗစရိယာတိ ဝုစ္စရေ ။
အာဟုနေယျာ စ ပုတ္တာနံ ၊ ပဇာယ အနုကမ္ပကာ ။
မာတာပိတရော - မိခင်ဖခင်တို့ကို ၊ ဗြဟ္မာတိ -
ဗြဟ္မာမင်းကြီးတို့ဟူ၍ ၊ ဝုစ္စရေ - ဆိုအပ်ကုန်၏ ။
ဘုရားက မာတာပိတရော - အမိအဖတို့ကို ၊
ပုဗ္ဗစရိယတို့ဟူ၍ ၊ ဝုစ္စရေ ဝုစ္စန္တိ - ဆိုအပ်ကုန်၏ ။
အေး - ဆရာထဲမှာ မိဘပါလာတာပဲ ။ အမေဘက်
က အမျိုးတွေ ၊ အဖေဘက်ကအမျိုးတွေ ၊ အကို
ကြီးတွေ အမကြီးတွေ ဘုန်းကြီတွေ သံဃာတွေ
ဘယ်လိုပုဂ္ဂိုလ်ပဲဖြစ်ဖြစ် လာပြီးသင်ကြားပေးနေ
တယ် ။ ဒါဆရာတွေပဲ ။
အဲ့ဒီ့ဆရာတွေက်ို မလှူနိုင် မပေးနိုင် မကမ်းနိုင်တာ
အသာထားပါ ။တွေ့တဲ့အခါ ရိုသေပါ ။လေးစားပါ ။
မေတ္တာထားပါ ။
ဝါဆိုဆရာတော်ဘုရားကြီး ရေးသားပြုစုသည့်
ဓမ္မရတနာမြတ်ကျမ်းစာမှ တင်ပြသည် ။
မှတ်ချက် ( အကျဉ်းမျှသာ ) crd:
------------------------------
‘‘ဗြဟ္မာတိ မာတာပိတရော, ပုဗ္ဗာစရိယာတိ ဝုစ္စရေ၊
အာဟုနေယျာ စ ပုတ္တာနံ, ပဇာယ အနုကမ္ပကာ။
‘‘တသ္မာ ဟိ နေ နမေဿယျ, သက္ကရေယျ စ ပဏ္ဍိတော၊
အန္နေန အထ ပါနေန, ဝတ္ထေန သယနေန စ၊
ဥစ္ဆာဒနေန နှာပနေန , ပါဒါနံ ဓောဝနေန စ။
‘‘တာယ နံ ပါရိစရိယာယ, မာတာပိတူသု ပဏ္ဍိတာ၊
ဣဓေဝ နံ ပသံသန္တိ, ပေစ္စ သဂ္ဂေ ပမောဒတိ၊၊
(အံ/ ၁ /၁၃၁)
crd: အရှင်ခေမိန္ဒ=တိပိဋကနိကာယ
------------------------------
မိဘေက်းဇူး "ကဗ်ာ"
---------------
ဗြဟ္မာမည်ရ, မိဘနှစ်လီ၊
ပုဗ္ဗာစရိယ, နာမတွင်သည်၊
အာဟုနေယျ, မြတ်လှ ဂုဏ်ရည်၊
မိနှင့်ဘ, သုံးဝ ဤနာမည်။
ကျေးဇူးကြီးလှ မိဘနှစ်ဖေါ်၊
အဝတ် ထမင်း,မယွင်း အဖျော်၊
နေ့ဝတ်ထား ရွှင်အား ပျော်ပျော်၊
ကျွေးမွေးမှ , သင့်လှပါမယ်နော်။
------------------------------
ကျေးဇူးကြီးလှ မိနှင့်ဖ
* * * * * * * * * * *
၁။ မြတ်စွာဗုဒ္ဓ မိန့်ဟပေ တာ
အနန္ဒငါး တစ်ပါးဝင်ပါ
ကြီးမားလှသည့် ဖမိမေတ္တာ
လုပ်ကျွေးငြား သမီးသား အလိမ္မာ ။
၂။ မာတာပိတု ဥပဋ္ဌာနံ
ဗုဒ္ဓတရား ဟောကြားဧကန်
ဘဝမြင့်မြတ် လူနတ်နိဗ္ဗာန်
ရောက်လိုက ကျင့်ကြတရားမှန် ။
၃။ ဗြဟ္မာမည်ရ မိဘနှစ်လီ
ပုဗ္ဗာစရိယ နာမတွင်သည်
အာဟုနေယျ မြတ်လှဂုဏ်ရည်
မိနှင်ဖ သုံးဝ ဤနာမည် ။
၎။ ကျေးဇူးကြီးလှ မိဘနှစ်ဖော်
အိပ်လျှင်ရှိခိုး မြတ်နိုးပူဇော်
အဝတ်ထမင်း မယွင်းအဖျော်
ကျွေးမွေးပြုစု ယုယကြမှတော် ။
၅။ နံသာရေအေး ပြန့်မွှေးစေကွယ်
ကိုယ့်သန့်စင်ရေး ပြုပေးရမယ်
ရေချိုးခြေဆေး ကျင့်ရေးသွယ်သွယ်
သမီးသား စီးပွားဖြစ်ကြောင်းရယ် ။
crd: အရှင်နန္ဒိယ
"မှတ်ချက်" ၃ / ၄ / ၅ /သည် မောင်ခက်
(စက်တော်ရာ)ရေးသားထားသည်ဟုထင်၏။
----------------------------------
၆။ မိဘကျေးဇူး၊ ဆည်းပူးသူမှာ။
လူ့ပြည်မှာလဲ၊ ခြိမ့်ဝှဲသံစာ။
သေပါလျှင်လဲ၊ မလွဲမှန်စွာ။
နတ်ပြည်နန်း၊ စံမြန်းရတော့တာ။
တာယ နံ ပါရိစရိယာယ,
မာတာပိတူသု ပဏ္ဍိတာ၊
ဣဓေဝ နံ ပသံသန္တိ,
ပေစ္စ သဂ္ဂေ ပမောဒတိ။ (အံ-၁၊ ၁၃၁)
crd: မျှဝေသူ/ဦးဇောတိက မုံရွာ
အထက်ပါ ၆ ကဗျာကိုလည်း မောင်ခက်
(စက်တော်ရာ)ရေးသည်ဟုထင်၏။
----------------------------
မာတာပိတုဥပဋ္ဌာနမင်္ဂလာကိုဆောင်ပါ။
"မိဘကျေးဇူး အကျေဆပ်နည်း"
====================
၁။ဘတော နော ဘရိဿာမိ၊
၂။ကိစ္စံ နေသံ ကရိဿာမိ၊
၃။ကုလဝံသံ ဌပေဿာမိ၊
၎။ဒါယဇ္ဇံ ပဋိပဇ္ဇာမိ၊
၅။ပေတာနံ ကာလင်္ကတာနံ
ဒက္ခိဏံ အနုပဒဿာမိ။
ဒီဃနိကာယ - ပါထိကဝဂ္ဂပါဠိ
သိင်္ဂါလသုတ် - ၁၅၄
၁။ ဘတော နေ ဘရိဿာမိ -
(ငါ့ကို ငါ့မိဘတို့) မွေးမြူအပ်၏။
(ငါသည်) ထိုမိဘတို့ကို ပြန်၍ မွေးမြူအံ့။
၂။ ကိစ္စံ နေသံ ကရိဿာမိ -
ထိုမိဘတို့၏ အမှုကိစ္စကို ပြုအံ့။
၃။ ကုလဝံသံ ဌပေဿာမိ -
မိဘတို့၏ ဥစ္စာကို
မပျက်အောင် စောင့်ထိန်းခြင်း၊
အစဉ်အဆက်မှ လာသော
ကုသိုလ်ဝတ်ကို ပြုခြင်းဖြင့်
အမျိုးအနွယ်ကို တည်စေအံ့။
၎။ ဒါယဇ္ဇံ ပဋိပဇ္ဇာမိ -
အမွေခံထိုက်အောင်
(မိဘတို့၏ အဆုံးအမကို)
ကျင့်ကြံ လိုက်နာအံ့။
၅။ ပေတာနံ ကာလင်္ကတာနံ
ဒက္ခိဏံ အနုပဒဿာမိ -
ကွဲကွာသေလွန်သော မိဘတို့၏ အလို့ငှာ
အလှူပေးအံ့ဟု ( ပြုစုကုန်၏ )။
ဒီကနိကာယ - ပါထိကဝဂ္ဂ
သိင်္ဂါလသုတ်မြန်မာပြန်ပုဒ်ရေ ၂၆၇
သား/သမီးကျင့်ဝတ်( ၅ ) ပါး
""""""""""""""""""""
ကျွေးမွေးမပျက် ၊ ဆောင်ရွက်စီမံ၊
မွေခံထိုက်စေ ၊ လှူမျှဝေ၍၊
စောင့်လေမျိုးနွယ် ၊ ဝတ်ငါးသွယ်၊
ကျင့်ဖွယ် သား/သမီးတို့ - တာ။
[တာ - ဆိုသည်မှာ တာဝန်ဟု ဆိုလိုပါသည်]
#သင်္ဂဇာဆရာတော်
""""""''""""""
ဒွိန္နာဟံ ဘိက္ခဝေ န သုပ္ပတိကာရံ ဝဒါမိ။
ကတမေသံ ဒွိန္နံ? မာတု စ ပိတု စ။
ဧကေန ဘိက္ခဝေ အံသေန
မာတရံ ပရိဟေရယ်၊
ဧကေန အံသေန ပိတရံ ပရိဟရေယျ
ဝဿသတာယုကော ဝဿသတဇီဝီ၊
သော စ နေသံ
ဥစ္ဆာဒနပရိမဒ္ဒနနှာပနသမ္ဗာဟနေန။
တေ စ တတ္ထေဝ မုတ္တကရီသံ စဇေယျုံ၊
န တွေဝ ဘိက္ခဝေ မာတာပိတူနံ
ကတံ ဝါ ဟောတိ ပဋိကတံ ဝါ။
ဣမိဿာ စ ဘိက္ခဝေ မဟာပထဝိယာ
ပဟူတရတ္တရတနာယ မာတာပိတရော
ဣဿရာဓိပစ္စေ ရဇ္ဇေ ပတိဋ္ဌာပေယျ၊
န တွေဝ ဘိက္ခဝေ မာတာပိတူနံ
ကတံ ဝါ ဟောတိ ပဋိကတံ ဝါ။
တံ ကိဿ ဟေတု?
ဗဟုကာရာ ဘိက္ခဝေ မာတာပိတရော
ပုတ္တာနံ အာပါဒကာ ပေါသကာ
ဣမဿ လောကဿ ဒေဿတာရော။
အင်္ဂုတ္တရနိကာယ - ဒုကနိပါတပါဠိ ၆၃
ရဟန်းတို့ နှစ်ဦးသောသူတို့ကို လွယ်ကူစွာ
ကျေးဇူးတုံ့ပြုနိုင်သည်ဟု ငါ မဟော။
အဘယ် နှစ်ဦးတို့နည်းဟူမူ -
မိခင်လည်းကောင်း၊ ဖခင်လည်းကောင်းတို့တည်း။
ရဟန်းတို့
သားသမီးဖြစ်သော သူသည်
အသက်တစ်ရာတန်း၌ ဖြစ်၍
အနှစ်တစ်ရာပတ်လုံး အသက်ရှည်ကာ
ပခုံးတစ်ဖက်ဖြင့်
အမိကို ဆောင်ယူ၍
လုပ်ကျွေးပြုစုရာ၏၊
ပခုံးတစ်ဖက်ဖြင့်
အဖကို ဆောင်ယူ၍
လုပ်ကျွေးပြုစုရာ၏။
ထို သား သမီးဖြစ်သူသည်
ထို အမိအဖတို့အား
အနံ့အသက်ကင်းအောင်
အမွှေးအကြိုင်လိမ်းပေးခြင်း
အညောင်း အညာပြေအောင် နှိပ်နယ်ပေးခြင်း
ရေပူ ရေအေး ချိုးပေးခြင်း
ခြေဆုပ်လက်နယ် ပြုခြင်းဖြင့်
လုပ်ကျွေး ပြုစုရာ၏၊
ထို အမိ အဖတို့သည်လည်း
ထို သားသမီး ပခုံးပေါ်၌ပင်လျှင်
ကျင်ကြီး ကျင်ငယ်ကို စွန့်ကုန်ရာ၏။
ရဟန်းတို့
ဤသို့ပင် ပြုစုပါသော်လည်း
အမိ အဖတို့အား
ကျေးဇူးပြုခြင်းသည်လည်းကောင်း၊
ကျေးဇူးတုံ့ပြုခြင်းသည်လည်းကောင်း
မဖြစ်နိုင်သေးသည်သာတည်း။
ရဟန်းတို့
(အကြင်သူသည်ကား)
များစွာသော ရတနာရှိသော
ဤမဟာပထဝီမြေကြီးကို
အုပ်ချုပ်စိုးပိုင်သော မင်းစည်းစိမ်၌
အမိ အဖတို့ကို တည်နေစေရာ၏။
ရဟန်းတို့ ဤသို့ပင် ပြုစုပါသော်လည်း
အမိ အဖတို့အား
ကျေးဇူးပြုခြင်းသည်လည်းကောင်း၊
ကျေးဇူးတုံ့ပြုခြင်းသည်လည်းကောင်း
မဖြစ်နိုင်သေးသည်သာတည်း။
ထိုသို့ဖြစ်ခြင်းသည်
အဘယ့်ကြောင့်နည်းဟူမူ -
ရဟန်းတို့
အမိ အဖတို့သည် သားသမီးတို့အား
များသော ကျေးဇူးကို ပြုကြသူ၊
ကြီးပွါးလာအောင် စောင့်ရှောက်ကြသူ၊
မွေးကျွေးကြသူ၊ ဤလောကကို
ပြသကြသူတို့ ဖြစ်ကြသောကြောင့်တည်း။
အင်္ဂုတ္တိုရ်ပါဠိတော်မြန်မာပြန်
သမစိတ္တဂ် - ပုဒ်ရေ ၃၄
ယော စ ခေါ ဘိက္ခဝေ မာတာပိတရော
အဿဒ္ဓေ သဒ္ဓါသမ္ပဒါယ သမာဒပေတိ
နိဝေသေတိ ပတိဋ္ဌာပေတိ၊
ဒုဿီလေ သီလသမ္ပဒါယ
သမာဒပေတိ နိဝေသေတိ ပတိဋ္ဌာပေတိ၊
မစ္ဆရီ စာဂသမ္ပဒါယ သမာဒပေတိ
နိဝေသေတိ ပတိဋ္ဌာပေတိ၊
ဒုပ္ပညေ ပညာသမ္ပဒါယ သမာဒပေတိ နိဝေသေတိ ပတိဋ္ဌာပေတိ၊
ဧတ္တာဝတာ ခေါ ဘိက္ခဝေ မာတာပိတူနံ
ကတဉ္စ ဟောတိ ပဋိကတဉ္စာတိ။
အင်္ဂုတ္တရနိကာယ - ဒုကနိပါတပါဠိ ၆၃
ရဟန်းတို့ အကြင်သူသည်ကား
သဒ္ဓါတရားမရှိသော အမိအဖတို့ကို
သဒ္ဓါတရားနှင့် ပြည့်စုံခြင်းငှါ
ဆောက်တည်စေ၏၊
သက်ဝင်စေ၏၊
တည်စေ၏။
သီလမရှိသော အမိ အဖတို့ကို
သီလနှင့် ပြည့်စုံခြင်းငှါ ဆောက်တည်စေ၏၊
သက်ဝင်စေ၏၊ တည်စေ၏။
ဝန်တိုခြင်း မစ္ဆရိယရှိကုန်သော
အမိ အဖတို့ကို စွန့်ကြဲပေးကမ်းခြင်းနှင့်
ပြည့်စုံခြင်းငှါ ဆောက်တည်စေ၏၊
သက်ဝင်စေ၏၊ တည်စေ၏။
ပညာမဲ့သော အမိအဖတို့ကို
ပညာနှင့် ပြည့်စုံခြင်းငှါ ဆောက်တည်စေ၏၊
သက်ဝင်စေ၏၊ တည်စေ၏။
ရဟန်းတို့
ဤသို့သော ပြုစုခြင်းဖြင့်သာလျှင်
အမိ အဖတို့အား
ကျေးဇူးပြုခြင်းသည်လည်းကောင်း၊
ကျေးဇူးတုံ့ပြုခြင်းသည်လည်းကောင်း
ဖြစ်နိုင်၏ဟု (မိန့်တော်မူ၏)။
အင်္ဂုတ္တိုရ်ပါဠိတော်မြန်မာပြန်
သမစိတ္တဝဂ် - ပုဒ်ရေ - ၃၄
#မိဘကျေးဇူး အကျေဆပ်နည်း(၄)မျိုး
"""""""""""""""""""""""""
၁။ အလှူမဲ့ငြား မိဘနှစ်ပါး
အလှူပွားအောင် လုပ်ရမည်။
၂။ သီလမဲ့ငြား မိဘနှစ်ပါး
သီလပွားအောင် လုပ်ရမည်။
၃။ သုတမဲ့ငြား မိဘနှစ်ပါး
သုတပွားအောင် လုပ်ရမည်။
၎။ ပညာမဲ့ငြား မိဘနှစ်ပါး
ပညာပွားအောင် လုပ်ရမည်။
#ပဲခူးဦးတေဇောသာရ
""""""""
1. 1. 2018 - တနင်္လာနေ့
၁၃၇၉ ခုနှစ်၊ ပြာသိုလပြည့်နေ့
[ အမေများနေ့ ] လေးကို အစပြု၍
မိမိတို့၏ အမိ အဖများကို
သိင်္ဂါလသုတ်၌လာရှိသော
အမိ အဖတို့၏ မျှော်လင့်ချက်( ၅ )မျိုး
[ သား/သမီးကျင့်ဝတ် ( ၅ ) ပါး ] တို့ဖြင့်
စိတ်၏ ချမ်းသာခြင်း ကိုယ်၏ ကျန်းမာခြင်း
လားရာ ဂတိဖြောင့်တန်းရေးများကို
ဆောင်ရွက်ပေး၍
အင်္ဂုတ္တိုရ်၌လာရှိသော
မိဘကျေးဇူးအကျေဆပ်နည်း( ၄ ) နည်းဖြင့်
အမိ အဖတို့၏ သံသရာဘေးဆိုးကြီးကို
တွန်းလှန် ဖယ်ရှား သုတ်သင်ပေးနိုင်သော
သားကောင်း/သားမြတ်
သမီးကောင်း/သမီးမြတ်များ
ဖြစ်နိုင်ကြပါစေ . . .
crd: #အရှင်ဣန္ဒောဘာသ(နတ်မောက်)
---------------------------------
မိခင်ဖခင်ကျေးဇူးရှင် (ဆောင်းပါး)
=======================
တက္ကသိုလ်တင်ခ
'မိ'၊ 'ဖ' ဝေါဟာရတို့သည် ကလေးသူငယ်တို့၏ နှုတ် ဖျားမှ ပေါ်ထွက်လာသော သဘာဝအသံကို ဝေါဟာရ သဘောမျှသာဖြစ်ကြောင်းကို ဝေါဟာရတ္ထပကာသနီ ကျမ်းက ကြံဆဖော်ပြထားပေသည်။ ဤသို့ပင် 'ဖ' ဝေါဟာရကိုလည်း ကျော်အောင်စံထားဆရာတော်၏ အာဘော်အရ ယင်းကျမ်းစာမျက်နှာ ၄၁၇ ၌ အမိ၊ အဖ၊ ကြက်ဖ၊ ရစ်ဖ စသော ဆိုမိန့်ခြင်းတို့ကား ပညတ် မျှသာဖြစ်သင့်၏ ဟူ၍ထပ်ဆင့်ဖော်ပြထားပေသည်။ ယင်းကျမ်း စာမျက်နှာ ၄၃၇ ၌ပင်-အမိအဖဟူသော ဝေါဟာရကားပညတ်မျှသာ လည်းဆိုသင့်၏ ဟူ၍ စကားစဉ်လဲလှယ်သုံးထားပေသည်။ ဒေါ်မာလေး၏ အထက်အဆွေမျိုးဆက်ခုနစ်ဆက် ဆောင်းပါးတွင်-
အမိကို အမိအဖဟု ဆိုရာ၌လည်း 'အဖရှေ့မှ အမိကိုထားသောကြောင့် ရှေ့ကရှိနေပါလိမ့်မည်ဟု တချို့က စိတ်ဝင်စားကြသည်။ စင်စစ်အသံပြေပြစ်မှု သဘောကိုလိုက်သောကြောင့် ရှေ့ထားပုံရသည်။ 'မိဖ' ဟုရှိနေသည်ကို 'ဖမိ' ဟု ပြောင်းရွတ်ကြည့်လျှင် 'မိဖ' 'ဖမိ'ဟု အသံထွက်လျှင်ကား ပို၍ပင် နားကလောပေတော့ မည်။ သို့ဖြစ်၍ 'မိဖ' ဟူသော အစပ်အတိုင်း 'အမိအဖ'ဟု ရွတ်သည်မှာ နှုတ်ခမ်းဗျည်း 'မ'ကို ရှေ့က 'အ'တွဲလျက် အနိမ့်သက်သံဖြင့် 'အမိ' ဟူသော အစပ်အတိုင်း 'အမိ'ဟု မတြာဝက် မတြာပြည့်ရွတ်ကာ နောက်မှ 'အ' သရနှစ်လုံးကို မတြာဝက် မတြာပြည့်ဖြင့် 'အဖ'ဟု ပြောလိုက်ခြင်းဖြင့် ပြေပြစ်လွယ်ကူစွာ ရွတ်ဆိုနိုင်သော ကြောင့်ဖြစ်သည်ဟူ၍ တင်ပြထားပေသည်။
အသံသာယာပြေပြစ်မှု
သတ္တဗေဒရှုထောင့်အရ ရွတ်ဆိုနိုင်သောကြောင့် ပိုမိုပြေပြစ် အသံသာသည်မှာ မှန်ပါသည်။ ထိုသို့ အသံ သာယာပြေပြစ်မှုသာမက ဗုဒ္ဓဘာသာမြန်မာ့အစဉ်အလာ အရ အမိကျေးဇူး အထူးကြီးမားလှသဖြင့် ကြီးစဉ်အရ အမိက ရှေ့မှလာရသည်။ အနက်အဓိပ္ပာယ်သည်လည်း မြန်မာတို့အဖို့ နက်ရှိုင်းစွာစွဲမြဲယုံကြည် လက်ခံထား ပေသည်။
သဒ္ဒါလင်္ကာရအနေဖြင့်လည်း အမိအဖ မိဖကအသုံး လှကြောင်း လေ့လာမှတ်သားရပေသည်။မြတ်ဗုဒ္ဓဘုရားသည် ဘုရားဖြစ်၍ ခုနစ်ဝါမြောက်တွင် တာဝတိံသာ၌ ဝါဆိုတော်မူခဲ့ပေသည်။ အကြောင်းမှာ မယ်တော်ဖြစ်ခဲ့ဖူးသော သန္တုသိတနတ်သားအား ကျေးဇူးဆပ်ရန် အဘိဓမ္မာတရားကိုဟောကြားတော် မူခဲ့ပေသည်။
အနန္တဂိုဏ်း တုနှိုင်းမရ မိဖ
ဗုဒ္ဓဂုဏော အနန္တော၊ ဓမ္မဂုဏော အနန္တော၊ သံဃဂု ဏော အနန္တော၊ မာတာပိတုဂုဏော အနန္တော၊ အာစရိယ ဂုဏော အနန္တော အနန္တငါးပါးရှိပေသည်။ ဘုရား၊ တရား၊ သံဃာ၊ မိဘ၊ ဆရာတို့သည် တုနှိုင်း၍မရသော အနန္တ ဂိုဏ်းဝင်များဖြစ်ကြပေသည်။ လောကတွင် အမြင့်ဆုံး၊ အမြတ်ဆုံးသော တရားငါးပါးတွင် ပါဝင်ပေရာ တုနှိုင်း မရသော မိဖဝေါဟာရပင်တည်း။
အဖဝေါဟာရတာဝန်
အမိသည် ကျေးဇူးတရားအကြီးမားဆုံးသော သဘော ကိုဆောင်သလို လောကအရာ၌ တာဝန်အရှိဆုံးမှာ အဖသာလျှင်ဖြစ်ပေသည်။ သား၊ သမီးတို့သည် ဤ လောက၌ ကောင်းမွေ၊ ဆိုးမွေကို ခံယူကြရာတွင် အဖ သည် အဓိကတာဝန်ရှိနေသည်။ တက္ကသိုလ်ဘွဲ့ရအောင် လက်မှတ်များပေးရာတွင် မိခင်၏အမည်မပါဝင်တော့ပေ။ ထိုသို့ ကောင်းမွေကိုဆက်ဆံရသလို ဆိုးမွေကို အဖက ပိုမိုတာဝန်ယူရပေသည်။ မကောင်းမှုဒုစရိုက်ပြုလိုက် မိသော သား၊ သမီးကို အပြစ်ဒဏ်ချမှတ်သောအခါ အဖ အမည်သာပါဝင်ရပေသည်။ ဤသည်ကား မိဘတို့၏ လောကနိယာမတရားပင်တည်း။
မိဖတို့သိရမည်မှာ
ကြီးစဉ်အရ အမိက ရှေ့မှလာရပေသည်။ အသံ ပြေပြစ်မှု အစဉ်အရမှာလည်း အမိက အဓိကကျပေသည်။ အဖသည်သာ ကောင်းကျိုးဆိုးပြစ်ကို ပိုမိုတာဝန်ယူရ သောသဘောကို တွေ့ရပေသည်။ ဤသည်မှာ အဘိဓာန် တွင် ရှာမရသေးသော မိဖဝေါဟာရ၏ အနက်သဘော တစ်ရပ်ဟု အသိအမှတ်ပြုလိုပေသည်။
အင်းဝခေတ်တွင် ရှင်မဟာသီလဝံသသည် ပါရာယန ဝတ္ထုကို မြန်မာသက္ကရာဇ် ၈၆၃ ခုနှစ်တွင် ရေးသားခဲ့ ရာ မိခင်ဟူသော ဝေါဟာရကို ဤသို့ဖော်ပြထားပေသည်။ ယင်းဝတ္ထုစာမျက်နှာ ၁၃၄၊ ၁၃၅ တွင်-
မိခင်ဖခင်ကို ခွင့်လမ်းကောင်း၍ တပည့်သားတော်နှင့် တကွသော ဘုရားသခင်ကို ခုနစ်ရက်တိုင်အောင်လျှင် ဆွမ်းလုပ်ကျွေးသတည်း
ရှင်မဟာရဋ္ဌသာရက လက်သစ်တောင်တာ ဆုံးမစာ လင်္ကာစာပိုဒ် ၃၉ တွင်
ရယ်ဝယ်ဖြစ်ငြား၊ မွေးသည့်သားကို၊ မယ်ဖွားမိခင်၊ ဆုံးမသင်သို့...
ဟူ၍ မိခင်ဝေါဟာရကို ပြဆိုထားပေသည်။ ယင်း ကျမ်းစာမျက်နှာ၁၉၈၊ ၁၉၉တွင် မိခင်၊ ဖခင် ကျေးဇူးရှင် တို့ကို အမှတ်ထင်ထင်ဖော်ပြထားသည်မှာ ဤသို့ဖြစ် သည်။
အမိအဖ
မိခင် ဖခင်တို့သည် မိမိအိမ်၌ ပူဇော်သက္ကာရပြုလျက်ပင် အတူတကွနေရသော သားသမီးတို့ကား ဗြဟ္မာနတ်မင်း နှင့် အတူတကွနေရသည်လည်း မည်ကုန်၏။ မိခင် ဖခင် တို့ကား သားသမီးတို့၏ ဗြဟ္မာနတ်မင်း ပင်ကိုတည်း။ ဗြဟ္မာနတ်မင်းတို့ကား မေတ္တာ၊ ကရုဏာ၊ မုဒိတာ၊ ဥပေက္ခာ ဤလေးပါးသောအကျင့်တို့ဖြင့် လူသူတကာ ဟူသမျှကို ရှေးရှုလျက် နေသတည်း။ မိခင်ဖခင်တို့ လည်းငယ်သောအခါ သားသမီးကို ကြီးပြင်း၍ ပြည့်စုံစေ ချင်သောမေတ္တာစီးဖြန်းလျက်ရှိနေ၏။
လက်ဦးဆရာ
ဗြဟ္မာတိမာတာပီတရော ပုဗ္ဗစရိယတိ ဝုစ္စရေ အမိ အဖတို့ကို ဗြဟ္မာဟူ၍လည်းကောင်း၊ လက်ဦးဆရာဟူ၍ လည်းကောင်း ဆိုအပ်ကုန်၏ ဟူသော အဂုင်္တ္တိုရ်၊ ပါဠိ အဋ္ဌကထာတို့ကို ရှင်မဟာသီလဝံသက စုပေါင်းမြန်မာပြန် ဆိုထားခြင်းဖြစ်ပေသည်။ ရှင်မဟာသီလဝံသက မိဘတို့ကို ဗြဟ္မာ၊ လက်ဦးဆရာဟူ၍ တင်စားထားပေသည်။ ဤသို့ စကားပြေကျမ်းဖြင့် မိဘကို ဖွင့်ဆိုဂုဏ်ပြုထားသကဲ့သို့ ခေတ်ပြိုင်စာဆို ရှင်မဟာရဋ္ဌသာရသည် ကိုးခန်းပျို့ကို မြန်မာသက္ကရာဇ် ၈၈၅ ခုနှစ်တွင် စပ်ဆိုရာ စာပိုဒ် ၄၆ တွင်-
လက်ဦးဆရာ၊ မည်ထိုက်စွာ၊ ပုဗ္ဗာစရိယ၊ မိနှင့်ဖအား ဟူ၍ ဖွင့်ဆိုထားပေသည်။ အင်းဝတစ်ခေတ်တည်းတွင် စာဆိုရှင်နှစ်ဦးစလုံးကပင် မိဘတို့ကို လက်ဦးဆရာဟူ၍ တင်စားထားပေသည်။ အမိဟူသော ဝေါဟာရကို- ရှင်မဟာရဋ္ဌသာရကပင် ကိုးခန်းပျို့စာပိုဒ် ၁၆၈ တွင်-
အမိလည်းရ၊ နှမလည်းမှန်း၊ ခင်ပွန်းမှန်းရည်၊ ကျွန်ရာ တည်၍ မွေးသည်သားတု၊ မြတ်နိုးပြုလျက်ဟူ၍ ပြန်လည် ဖွင့်ဆို သုံးနှုန်းထားပေသည်။ ရှင်မဟာသီလဝံသသည် ပါရာယနဝတ္ထုစကားပြေဖြင့် အမိအဖတို့ ကြီးမားသော မေတ္တာ၊ စေတနာကို ဖွင့်ဆိုပြထားသကဲ့သို့ ရှင်မဟာရဋ္ဌသာရသည်ကိုးခန်းပျို့လင်္ကာဖြင့်ပင် မိဘတို့၏ဘဝကို ဤသို့ပြဆိုထားပေသည်။
ရင်သွေးဟူက၊ ချစ်မဝတည့်၊ မိဘတံထွာ၊ သားတကာ နှင့်တစ်ရာနှစ်ကဲ၊ လည်ချင်းနွှဲလည်း၊ ရောင့်ရဲမထင်၊ စုံမက်ပြင်လျက်၊ ဖြုတ်၊ ခြင်ကိုက်နာ၊ မြူရှိမာမှု၊ ရံခါတရစ်၊ မဖြစ်စေရက်၊ အသက်ရှည်ကြောင်း၊ ဆုတောင်းဆုယူ၊ အလှူကောင်းမှု၊ ကိုယ်စားပြုလျက်၊ ဝတ်တုစံပ၊ ဆောင် ရွက်စသား၊ ကုံငဖြည့်တင်း၊ ဖြန့်ဖြူးခြင်းဖြင့်၊ မကင်းရေမိုး၊ ဥယျာဉ်ပျိုးသို့၊ မညှိုးမခေါင်၊ ကြီးပြင်းအောင်လျှင်၊ စောင် စောင် ပျပ်ပျပ်၊ ကွပ်ညှပ်ဆုံးမ၊ သင်ပြသသည်၊ ငယ်က လက်ဦးဆရာတည်း။
စာပိုဒ် ၄၅
မအီမသာ၊ ပူဆာပျောင်းပျ၊ ကြောင့်ကြရှိကြိုက်၊ ကိုယ်လုံးဟိုက်လည်း၊ ဖက်ပိုက်ရင်ခွင်၊ ရှေ့တွင်လည်းထား၊ ရှုပျော်ပါး၍၊ သား၏ရုပ်ရည်၊ သီတာမည်သား၊ ရေကြည်ချမ်းမြ၊ တစ်ပေါက်ကျက၊ မိဘတို့ဝမ်း၊ ငြိမ်းစတမ်းဖြင့်
စာပိုဒ် ၉၇
ဤသို့ဖြင့် ရှင်မဟာသီလဝံသသည် အမိအဖတို့၏ အဓိကမေတ္တာကို ပါရာယနဝတ္ထုစကားပြေဖြင့် ဖွင့်ဆိုပြခဲ့ သလို စာဆိုရှင်မဟာရဋ္ဌသာရသည် ကိုးခန်းပျို့လာ ရင်သွေးဟူက၊ ချစ်မဝတည့်၊ မိဘတံထွာနှင့် သားတို့ ရုပ်ရည် သီတာမည်သား၊ ရေကြည်ချမ်းမြ၊ တစ်ပေါက် ကျက၊ မိဘတို့ဝမ်း၊ ငြိမ်းစတမ်းဟူ၍ အမိအဖတို့ ၏ အံ့မခန်းမေတ္တာ သင်္ကေတတို့ကို ပြဆိုထားပေသည်။
ကမ္ဘာ့ကလေးသူငယ်တို့သည် မိမိတို့ ဘာသာအရ စကားစသင်ကြရာ၌ နှုတ်ခမ်းဗျည်းများဖြစ်သော ပ၊ဖ၊ဗ (ဘ)၊ မ၊ဝတို့ကို ရှေးဦးစွာ ရွတ်ဆိုကြပေသည်။ အမိအဖ ရင်ခွင်မှနေ၍ နှုတ်ခမ်းချင်းထိပြီး ထွက်လာသော ချစ်ခင်စရာ၊ တွယ်တာစရာ၊ အားကိုးစရာ၊မြင်ရာ၊ကြားရာ၊အသိအမှတ် ပြုကြပေရာ 'မ' ဆိုပါက 'အမိ၊ 'ဖ' ဆိုပါက 'အဖ' ဟူ၍ ဖြစ်ပေါ်လာကြရပေသည်။ ချစ်စရာ၊ ခင်စရာ၊ အားကိုးစရာ အနက်အဓိပ္ပာယ်ဆက်သွယ်ကာ အဖဝေါဟာရ ဖြစ်လာရပေသည်။
ပုဂံကျောက်စာလာ 'အမိ' 'အဖ'
မြန်မာစာ အခြေအမြစ်ဖြစ်သောပုဂံကျောက်စာများတွင် အဟောင်းဆုံးစာရင်းဝင် ပေါ်တော်မူကျောက်စာ စာကြောင်းရေ ၁၃၊၁၄ ၌ 'အမိအ်'၊ 'အဖအ်'ဟူ၍ စာလုံး ပေါင်းထားသည်မှာ ထူးခြားလှပေသည်။ ဤတွင် 'အဖအ်' ကို အသတ် (အ်)အပိုထည့်၍ သုံးခြင်းမှာ အသံ ပိုမို ပီပြင်လေးနက်အောင် ဆောင်သောသဘောကို တွေ့ရပေသည်။
မြန်မာသက္ကရာဇ် ၄၄၃ခုနှစ် ရေးထိုးထားသည့် တောင် ခစည်သဘင်ကျောက်စာ စာကြောင်းရေ ၁၆ တွင်မူ၊'မင်းအမိ၊ မင်းအဖ' ဟူ၍သာ တွေ့ရပေသည်။ အသတ် (အ်) ကို ထည့်သွင်းထားရှိမှု မတွေ့ရတော့ပေ။ နှောင်း ခေတ်ရေးထိုးသော ကျောက်စာများတွင်လည်း 'အဖ' ဟူ၍သာ တွေ့ရပေသည်။
'မွေးသမိခင်' မိမိကို မွေးဖွားသော ချစ်ခင်နှစ်သက်အပ် သည့် အမိဟု တင်စားဂုဏ်ပြု သုံးနှုန်းထားသကဲ့သို့ ပင် မိမိကိုယ်တိုင် ဝမ်းနှင့်လွယ်၍ မမွေးရသော်လည်း ပြုစု စောင့်ရှောက် လုပ်ကျွေးရသော အဖကိုလည်း မွေးသော ဖခင်'မွေးသဖခင်'ဟူ၍ တင်စားသုံးထားကြောင်း တွေ့ရ ပေသည်။
မွေးသဖခင်၏ကျေးဇူးကို သိတတ်သော
သားလိမ္မာ ရာဇကုမာရ်
ကျွေးမွေးပြုစုစောင့်ရှောက်သော ကျေးဇူးကို အထူး သိတတ်သူကား မြန်မာသက္ကရာဇ် ၄၇၄ ခုနှစ်တွင် ရာဇ ကုမာရ်ကျောက်စာကို ရေးထိုးမော်ကွန်းတင်ခဲ့သည့် ရာဇကုမာရ်ပင်တည်း။ ယင်းကျောက်စာ စာကြောင်းရေ ၁၄ မှ ၁၆ အထိမှာ-
''ထိုရာဇကုမာရ်မည်သော ပယ်မယားသား မိမိကို မွေးသော မင်းကြီးကျေးဇူးကို အောက်မေ့ရကား''ဟူ၍ ရေးသားထားပေရာ မိမိကိုမွေးသော ကျေးဇူးရှင်ကို အောက်မေ့သူအသုံးအနှုန်းသည် မွေးသဖခင် ဝေါဟာရ
ကို လမ်းခင်းပေးခဲ့သည်ဟု မှတ်ယူသင့်ပေသည်။ မွန်၊ ပါဠိ အားသန်နေသောပုဂံခေတ်ဦး၌ မိမိကိုမွေးသော ကျေးဇူးရှင် အသုံးအနှုန်းသည် စကားထဲကဇာတိပြဟူဘိသို့ လူငယ်လူရွယ် မင်းပျိုမင်းလွတ်တစ်ဦး၏ စိတ်ထားမြင့်မြတ်မှု၊ သဘောထားကြီးမှုကို အထူးပြုမှတ်သားသင့်ပေသည်။ မိမိကို ကျွေးမွေးပြုစုစောင့်ရှောက်သူ၊ မင်းကြီးကျေးဇူးသိတတ်သူ ဖြစ်ပေသည်။ သိရုံမျှမက လက်တွေ့ကျကျ မင်းကြီးနာမကျန်းဖြစ်လျက် သက်တမ်း
ကုန်ခါနီးတွင် ကျေးဇူးရှင်ကို ကျေးဇူးဆပ်နည်းကိုပါ ညွှန်ပြခဲ့ပေသည်။ တြိလောက ဝဋံသကာဒေဝီဘွဲ့ခံမိဖုရားသည် ရာဇကုမာရ်၏မိခင်ဖြစ်ပေသည်။ ဤမိဖုရားသည် အုတ်ခွက်ဘုရာများစွာကို ကိုယ်တိုင် မိမိလက်ဖြင့် ပြုလုပ် ကိုးကွယ်ပူဇော်ခဲ့သူဖြစ်ပေသည်။ ကိုယ်တိုင်ဗုဒ္ဓဘာသာကို သက်ဝင်ယုံကြည်သူပီပီ မိမိသားရာဇကုမာရ်ကို လိမ္မာအောင် ပျိုးထောင်ပေးနိုင်သူ ဖြစ်ပေသည်။ ဤသို့ ပဲ့ပြင်သွန်သင်ကောင်း၍သာ ရာဇဝင်စာတင်လောက်
သည့် မွေးသဖခင်ကျေးဇူးရှင်ကို အမြတ်ဆုံးဒါနဖြင့် ဂါရဝပြုနိုင်ခဲ့ခြင်း ဖြစ်ပေသည်။
မကြာမတင်မှာပင် ပုဂံရာဇဝင်ရိုင်းခဲ့သော နရသူ မင်းသားသည် မွေးသဖခင် ကျေးဇူးရှင် အလောင်းစည်သူ မင်းကြီးကို လုပ်ကြံသတ်ဖြတ်ခဲ့ပေသည်။ ပုဂံ အဇာတသတ် နရသူနှင့် နှိုင်းယှဉ်ပါက ရာဇကုမာရ်သည် အရွယ်နှင့်မလိုက်အောင် ကျေးဇူးသိတတ်လှကြောင်း ထင်ရှားသိသာလှပေသည်။ဆိုလိုသည်မှာ 'မွေးသဖခင်'၊ 'မွေးသမိခင်' တို့၏ ပဲ့ပြင်သွန်သင်မှုသည်သာ သားသမီး များအပေါ် အထူးအကျိုးသက်ရောက်တတ်ပေသည် ||
No comments:
Post a Comment