တက္ကသိုလ်စာသင်သား၏ (၂၉)ပုဒ်မြောက် လက်ရာလေးပါ

တက္ကသိုလ်စာသင်သား၏ (၂၉)ပုဒ်မြောက်

လက်ရာလေးပါ

♢♢♢♢♢♢

မနက်ဖြန်(26:3:2016နေ့-အရှင်ဇောတိကာလင်္ကာရ၏ဂုဏ်ပြပွဲ)အတွက် ဥပေဇ္ဈာယ်ဆရာထက် ကြောက်ရတဲ့ နာယကကြီးရဲ့တချက်လွတ်အမိန့်နဲ့ ရေးလိုက်ရတာ ဆန်းဂိုဏ်းနဲ့ လိုအပ်တဲ့ အဓိပ္ပါယ်ပြည်စုံဖို့ပဲ အဓိကထား ရေးလိုက်ရတာပါ။

ဘာစာအုပ်မှ မကြည်ဘဲ ကားပေါ်မှာ ၁နာရီလောက်နဲ့ အပြီရေးနိုင်တာ ဆရာသမားတွေ ကျေးဇူးလို့ ပြောရမယ်၊ အာစရိယဂုဏံ အဟံ ဝန္ဒာမိ)

***

သာမဏေကျော်ဘွဲ့ရ အရှင်မြတ်အား ပလ္လင်ပေါ်သို့ ကြွတော်မူရန် ပင့်လျှောက်ဂါထာ

                    ♢♢♢♢♢♢

အာရဒ္ဓဝီရိယော ဘန္တေ,

ဇယပုပ္ဖေါ မဟာပညော၊

အာဂစ္ဆ တွံ  သဘံ ပူဇံ,

ပဇာယ အနုကမ္ပာယ။

♢♢♢♢♢

ဘန္တေ-အလင်္ကာရ, ဘွဲ့ထူးသခင်, အရှင်မြတ်ဘုရား။

အာရဒ္ဓဝီရိယော - အလင်္ကာရမည်ခေါ်, ဤဘွဲ့ကျော်ကို, မရ-ရအောင်, ကြိုးစားမည်ဟု, အားခဲ့ကာ, ကြိုးစား အားထုတ်တော် မူတတ်သော။

ဇယပုပ္ဖေါ- ပါဠိ-ဋ္ဌကထာ, ဋီကာသရုပ်, သင်္ဂြိုဟ်-သဒ္ဒါ, ကျမ်းဖြာဖြာကို,

ဖြေဆိုအောင်မြင်, သာမဏေကျော်, အောင်ပန်ပိုင်ရှင် ဖြစ်တော်မူသော၊

မဟာပညော-

ထေရ်ဆရာသင်သမျှ, မမေ့ရအောင်, သေချာမှတ်သား, ဆောင်ထားတတ်သည့် ကြီးမြတ်သောပညာလည်း, ရှိတော်မူသော။

တွံ-(ဇောတိကာဇည), နာမမည်ခေါ်, သာမဏေကျော်,အရှင်ဘုရားသည်။

ပဇာယ-အရှင်မြတ်၏, ပညာဂုဏ်အား, ပူဇော်လိုကြသည့်, တပည့်ဒါယကာ, ဒါယိကာမ အပေါင်းကို။

အနုကမ္ပာယ- ဗြဟ္မာစိုရ်တရား, လက်ကိုင်ထားကာ, အစဉ်သနားစောင့်ရှောက်, ချီးမြှောက်သောအားဖြင့်။

ပူဇံ သဘံ-ပူဇော်ပွဲသို့။

ပူဇံ သဘံ-အရှင့်ပူဇော်ပွဲ, ဆင်ယင်ကျင်းပရာ, ပလ္လင်မြတ်ပေါ်, ပူဇော်ပွဲတော်သို့။

အာဂစ္ဆ - ချီးမြှောက်တော်မူရန်, ကြွရောက်တော်မူလှည့်ပါ (ဇောတိကာလင်္ကာရ), အရှင်မြတ်ဘုရား။

                                            (၁၃ံ:၁၂:၁၃၇၈)

                                            (25:3:2017)

                                   တက္ကသိုလ်စာသင်သား

                         သာသနာ့တက္ကသိုလ်၊ မန္တလေး။