ကစ္စည်းသဒ္ဒါကြီးကျမ်းပြုမထေရ်အကြောင်း လေ့လာချက်
✿◦◦✿◦ ◦✿◦ ◦✿◦ ◦✿◦◦✿◦ ◦✿◦◦✿◦◦✿◦◦✿
ကစ္စည်းသဒ္ဒါကြီးကို အရှင်ကစ္စာယနမထေရ် (အရှင်ကစ္စည်းမထေရ်)က ပိဋကတ်စာပေကို လေ့လာရာတွင် လွယ်ကူစေရန် ရေးသားစီရင်ခဲ့ခြင်းဖြစ်သည်။ သုတ်ပေါင်း(၆၇၃)သုတ်ရှိသည်။ ၎င်းကစ္စည်းသဒ္ဒါကျမ်းပြုစုသူမှာ ဘုရားရှင်လက်ထက် ဧတဒဂ်ဘွဲ့ရ အရှင်ကစ္စည်းမထေရ်ဟု အချို့က ယူဆကြသည်။ အချို့ကား မဟုတ်ဟုယူဆကြသည်။
နျာသကျမ်းပြု အရှင်ဝဇိရဗုဒ္ဓိမထေရ်၊ ရူပသိဒ္ဓိဋီကာကျမ်းပြု အရှင်ဗုဒ္ဓပိယမထေရ်၊ သဒ္ဒနီတိကျမ်းပြု အရှင်အဂ္ဂ၀ံသမထေရ် စသည်တို့က ဘုရားရှင်လက်ထက် အရှင်ကစ္စည်းမထေရ်ဟု ယူဆကြသည်။ သီဟိုဠ်ဘာသာဖြင့်ရေးသားသော ပါဠိသမိုင်း၌မူ ၎င်းသဒ္ဒါကျမ်းပြုစုသူမှာ ဘုရားရှင်ပရိနိဗ္ဗာန်စံပြီးနောက် အနှစ်(၃၀)ကျော်တွင်ပေါ်ထွန်းသော သဗ္ဗတ္ထိဝါဒီဂိုဏ်းသား ဥာဏပဋ္ဌာန်းကျမ်းပြု အရှင်ကစ္စည်းမထေရ်ဖြစ်သင့်ကြောင်း ဖေါ်ပြထားသည်။
သီဟိုဠ်ပညာရှင် "မာလာလာဆေကရ"ကမူ ၎င်းမထေရ်သည် အိန္ဒိယတောင်ပိုင်းသားဖြစ်ကြောင်း၊ အေဒီ(၅)ရာစုခန့်တွင် ပေါ်ထွန်းသောမထေရ်ဖြစ်ကြောင်း ဆိုထားသည်။
ဘုရားရှင်လက်ထက်တော်က အရှင်ကစ္စည်းမထေရ်မဟုတ်ကြောင်း ဆရာများထောက်ပြသောအချက်တို့မှာ-
ကိံသမာဝေါသုတ်၌ "ကွ ဂတောသိ တွံ ဒေ၀ါနံပိယတိဿ" ဟူသောပုံစံဝယ် ဒေ၀ါနံပိယတိဿမင်းသည် ဘီစီ(၃၀၂-၂၆၇) တွင် သီဟိုဠ်၌နန်းတက်သော မုဋသီဝမင်း၏သားတော်(၁၀)ပါး အနက် ဒုတိယမြောက်သားတော်ဖြစ်သည်။ ၄င်းပြယုဂ်ကိုထောက်၍ အရှင်ကစ္စည်းမထေရ်သည် ဒေ၀ါနံပိယတိဿမင်းမပေါ်ပေါက်ခင်က မဖြစ်နိုင်တော့၊ ဒေ၀ါနံပိယတိဿမင်းပေါ်ပေါက်ပြီးမှသာ အရှင်ကစ္စည်းမထေရ် ပေါ်ထွန်းခဲ့ကြောင်း ယူဆရသည်။
တဖန် ယော ကရောတိ သကတ္တာသုတ်လာ "ဥပဂုတ္တေန မာရော ဗန္ဓော"ဟူသောပြယုဂ်အရ ၎င်းအကြောင်းအရာဖြစ်ရပ်သည် ဘီစီ(၂၇၃-၂၃၂) သီရိဓမ္မာသောကမင်းးလက်ထက်၌ ဖြစ်ပေါ်ခဲ့သောအကြောင်းအရာဖြစ်သည်။
ထို့ပြင် သက္ကမန္ဓာတာဒီနဉ္စသုတ်၌ 'သကမင်း"ဟူသည် ဒေ၀မိတ္တဘွဲ့ရ မြောက်ပိုင်းအသောကဟုထင်ရှားသော သာလိဝါဟနသောကမင်း အေဒီ(၇၈-သို့မဟုတ်-၁၂၀) ဖြစ်သည်။ ယင်းပြယုဂ်တို့ကိုထောက်၍ ဘုရားရှင်လက်ထက်တော်က အရှင်ကစ္စည်းမထေရ် မဟုတ်ကြောင်း ပညာရှင်များဆိုကြသည်။
အခြားအကြောင်းတစ်ရပ်မှာ-
ဘုရားရှင်လက်ထက်တော်က ဧတဒဂ်ဘွဲ့ရ အရှင်ကစ္စည်းမထေရ်သည် ကစ္စည်းကျမ်း၊ မဟာနိရုတ္တိကျမ်း၊ နေတ္တိကျမ်းတို့ကို ဟောတော်မူခဲ့ကြောင်း အပဒါနအဋ္ဌကထာ ဒုတိယအုပ် စာမျက်နှာ(၂၁၃)၌ ပါရှိသည်။
ပညာရှင်များကမူ ကစ္စည်းသဒ္ဒါကျမ်းကို ဘုရားရှင်လက်ထက် အရှင်ကစ္စည်းမထေရ်ဟောခဲ့သည်မှန်လျှင် သင်္ဂါယနာတင်ကျမ်းတွင် ပါဝင်မည်ဖြစ်ကြောင်း၊ ၄င်းမထေရ်ဟောသုတ္တန်အချို့ သင်္ဂါယနာကျမ်းတွင်ပါဝင်သဖြင့် ကစ္စည်းသဒ္ဒါကျမ်းသည်လည်း သင်္ဂါယနာတင်ကျမ်းတွင် ပါဝင်သင့်ကြောင်း၊ ထိုသို့မပါဝင်သဖြင့် ဘုရားရှင်လက်ထက် အရှင်ကစ္စည်းမထေရ် မဖြစ်နိုင်ကြောင်း၊ သီဟိုဠ်ကျွန်း အနုရာဓခေတ်ကပေါ်ထွန်းခဲ့သောမထေရ်ဖြစ်ကြောင်း ဆိုကြသည်။
(ဖေါ်ပြပါ အကြောင်းအရာများသည် မိမိကိုယ်ပိုင်အတွေးအခေါ်မဟုတ်ပါ။
နိုင်ငံတော်ပရိယတ္တိသာသနာ့တက္ကသိုလ်(မန္တလေး)၊ ဘီအေ စတုတ္ထနှစ်၊ ဗုဒ္ဓဒေသနာပြန့်ပွားရေးဘာသာရပ်တွင် သင်ယူခဲ့ရသောမှတ်စုကို ပြန်လည်မျှဝေခြင်းသာဖြစ်သည်။)
No comments:
Post a Comment