ပါဠိတော်အဖွင့်၏ အလှနှင့် အဋ္ဌကထာ၊ ဋီကာအဖွင့်တို့၏ အလှတရား

ပါဠိတော်အဖွင့်၏ အလှနှင့် အဋ္ဌကထာ၊
ဋီကာအဖွင့်တို့၏ အလှတရား
…………………………………………………
မြန်မာကဗျာခက်ဆက်အဖွင့်ကို သင်ဖူး
သော မြန်မာလူမျိုးအဖို့ ခက်ဆစ်ဟူသည် အဋ္ဌကထာ ဋီကာ အဖွင့်မျိုးဖြစ်သည်၊ အဋ္ဌကထာ ဋီကာ အဖွင့်ဟူသည် ခက်ဆစ်
လိုမျိုးဖြစ်သည်ဟု နားလည်ပါက အဋ္ဌကထာ ဋီကာအဖွင့်ကို နားမလည်စရာ မရှိပါ။ ယနေ့
မြန်မာစာသမားတို့သည် ရှေး
မြန်မာစာကို နားလည်လိုက ပျို့အဖွင့်
စသည့် စာအုပ်များကိုဖတ်ရ၏။ ယင်း
စာဖတ်အလုပ်သည် ပါဠိတော်ကို အဋ္ဌကထာ ဋီကာ အဖွင့်နှင့် အလားတူသည်။
သို့သော် မြန်မာနိုင်ငံ မြန်မာစာသင်နည်း၌
ယင်းသင်နည်း မတိုင်မီ မြန်မာအဘိဓာန် အကူအညီဖြင့် သာမန်မြန်မာစာကိုပင် ဖတ်
ရသည်ကို နည်းစနစ်အရ မသိကြသေးပေ။

ထိုသို့ မြန်မာသင်နည်းကကို ဝေါဟာရ
ကြွယ်ဝစေသော မြန်မာအဘိဓာန်ကို မသုံး
တတ်ဘဲရှိသောအခါ အင်္ဂလိပ်စာကိုလည်း ကောင်း ပါဠိစာကိုလည်းကောင်း အဘိဓာန် တိုက်ဖတ်ရသောအခါ ထူးထူးဆန်းဖြစ်ကုန်
ရသည်။

ထို့ကြောင့် ကျောင်းသားသုံးမြန်မာစာ
အဘိဓာန်ဖြင့် မြန်မာ့ကျောင်းသား တို့ကို အဘိဓာန်သင်နည်းသိအောင် စတင် မိတ်
ဆက်သင်ပေးသင့်သည်ဟု မိမိ မြင်ပေသည်။ သို့မှ မြန်မာသဒ္ဒါကိုလည်း ဝါစင်္ဂခွဲ လျက် ပိုမိုနားလည်လာပေမည်။ ဤကား
မြန်မာစာသင်နည်းအကြံပြုချက်နှင့် တကွ
အဋ္ဌကထာဋီကာကို မိတ်ဆက်ပြခြင်း။

ပါဠိတော်အဖွင့်၏ အလှနှင့် အဋ္ဌကထာ၊ ဋီကာအဖွင့်တို့၏ အလှတရားဟု ခေါင်းစီး တပ်ရ
သည်၌ အကြောင်းရှိပေသည်။ မိမိသည် မူလက ပါဠိတော်ကို အရှင်မဟာဗုဒ္ဓ ဃောသစသော မထေရ်တို့ ဖွင့်ပြသည့် အဋ္ဌကထာကျမ်းများသာ ရှိသည်။ ပါဠိတော် ကို ပါဠိတော်နည်း
ဖြင့် ဖွင့်ပြသော အဖွင့်များ မရှိဟု သိခဲ့သည်။ သို့သော် ဝိနယဓရ ဆရာသမားက မိမိ
အလတ်တန်းတုန်းက မိမိကို ကင်္ခါအဋ္ဌကထာအဖွင့်အပြင် ပါဠိတော် ပဒဘာဇနီ အဖွင့်များ ကျက်ခိုင်းသင့်သည်ဟု အခြား ဒီဃဘာဏကဆရာတော်ဘုရားအား မိမိရှေ့ ပြောပြသည်ကို ကြားရပေသည်။ မိမိဘဝ၌ “ပဒဘာဇနီ”ဟူသော ပါဠိ ဝေါဟာရကို ထိုအချိန်က စ၍ ကြားဖူးသည် ဟု မိမိ မှတ်မိသည်။ ပါဠိ
ဘာသာလေ့လာသူများသည် ပါဠိဝေါဟာရများနှင့် ပတ်သက်၍ ထိုသို့ အမှတ်တရ
နိုးကြားစေမည့် အတွေ့အကြုံများ ရှိသင့်၏။

ပဒဘာဇနီယ (န) [ပဒ+ဘာဇနီယ] (၁)
ပုဒ်တို့ကို- ခွဲခြမ်း-ဝေဖန်-ခြင်း၊ မာတိကာ-အကျဉ်း-ပုဒ်တို့ကို အကျယ်-ခွဲခြမ်း-ဝေဖန်-
ကြောင်းစကား။ ပဒဘာဇနီပါဠိ။ (၂) ပုဒ်တို့ကို-ခွဲခြမ်း-ဝေဖန်-ကြောင်း (နည်း)။
တိပိ၊၁၄၊၅၆၇+၅၆၈။

မိမိ ပထမကြီး ရောက်စနှစ်တွင် ခရီးသွား
ဦးဇင်းကြီးတစ်ပါးက မိမိအဆောင်ရှိ့ သူ့
ကိုရင်ထံ ကြွလာသည်။ သူ၏ လက်၌ ပါရာဇိကဏ်ပါဠိတော်ကြီး ပါသည်။ သူက
လမ်းစာရိတ် အတွက် ရောင်းလိုသည်ဟု
ပြောသဖြင့် မိမိက ၁၀၀၀-နှင့် ထင်သည်
ဝယ်ထားလိုက်သည်။ မိမိသည် ဆရာတို့
ဆွေးနွေးသော ပဒဘာဇနီဟူသည်ကို ထို
ပါရာဇိကဏ်ပါဠိတော်၌ တွေ့ရပေ၏။ ပါဠိ
တော် ကံလိုက်ခြင်း ပေတကား။

ဓမ္မာစရိယတန်းသို့ ရောက်သောအခါ ပဒ
ဘာဇနီဟူသည် ဝိနည်းမှာသာမက အဘိ
ဓမ္မာပါဠိတော်မှာလည်း ရှိသည်ကို သိရှိ လာ
ပေသည်။ ယခုစာရေးရင်း ပဒဘာဇနီ ဟူသော ခေါင်းစီးကို ရှာသောအခါ. .....

စိတ္တုပ္ပါဒကဏ္ဍံ
ကာမာဝစရကုသလံ
ပဒဘာဇနီ
၁။ ကတမေ ဓမ္မာ ကုသလာ? ယသ္မိံ
သမယေ ကာမာဝစရံ ကုသလံ စိတ္တံ ဥပ္ပန္နံ ဟောတိ သောမနဿသဟဂတံ ဉာဏသမ္ပယုတ္တံ ရူပါရမ္မဏံ ဝါ သဒ္ဒါရမ္မဏံ ဝါ ဂန္ဓာရမ္မဏံ ဝါ ရသာရမ္မဏံ ဝါ ဖောဋ္ဌဗ္ဗာရမ္မဏံ ဝါ
ဓမ္မာရမ္မဏံ ဝါ ယံ ယံ ဝါ ပနာရဗ္ဘ, တသ္မိံ
သမယေ-စသည်ဖြင့် ဓမ္မသင်္ဂဏိပါဠိတော် သာ သုံးထားသည်ကို တွေ့ရပေသည်။

ဝိနည်း၌ကား ၄၄။ ‘‘ယော ပန ဘိက္ခု
ဘိက္ခူနံ သိက္ခာသာဇီဝသမာပန္နော သိက္ခံ
အပစ္စက္ခာယ ဒုဗ္ဗလျံ အနာဝိကတွာ မေထုနံ
ဓမ္မံ ပဋိသေဝေယျ အန္တမသော တိရစ္ဆာန
ဂတာယပိ, ပါရာဇိကော ဟောတိ အသံဝါ
သော’’တိ။

၄၅။ ယော ပနာတိ ယော ယာဒိသော ယထာယုတ္တော ယထာဇစ္စော ယထာနာမော ယထာဂေါတ္တော ယထာသီလော ယထာဝိဟာရီ ယထာဂေါစရော ထေရော ဝါ နဝေါ ဝါ မဇ္ဈိ
မော ဝါ။ ဧသော ဝုစ္စတိ ‘ယော ပနာ’တိ။-
စသည်ဖြင့် ရှိရာဝယ် ၄၅-
အထက်က ပဒဘာဇနီဟု ခေါင်းစီးတပ်ရ
မည်ကို မတပ်ဘဲ ရှိလေ၏။

ယင်းအဋ္ဌကထာ၌ကား
ဘိက္ခုပဒဘာဇနီယဝဏ္ဏနာ
ဣဒါနိ သိက္ခာပဒဝိဘင်္ဂဿ အတ္ထံ ဝဏ္ဏယိဿာမ။ ယံ ဝုတ္တံ ယော ပနာတိ ယော ယာဒိသောတိအာဒိ။ ဧတ္ထ ယော ပနာတိ ဝိဘဇိတဗ္ဗပဒံ၊ ယော ယာဒိသောတိအာဒီနိ တဿ ဝိဘဇနပဒါနိ။ ဧတ္ထ စ ယသ္မာ ပနာတိ နိပါတမတ္တံ၊ ယောတိ အတ္ထပဒံ၊ တဉ္စ အနိယမေန ပုဂ္ဂလံ ဒီပေတိ, တသ္မာ တဿ အတ္ထံ ဒေဿန္တော အနိယမေန ပုဂ္ဂလဒီပကံ ယော သဒ္ဒမေဝ အာဟ။ တသ္မာ ဧတ္ထ ဧဝမတ္ထော
ဝေဒိတဗ္ဗော – ယော ပနာတိ-
စသည်ဖြင့် ပဒဘာဇနီယဝဏ္ဏနာဟု ခေါင်း
စီးတပ်လျက် ရှိသည်ကို တွေ့ရပေ၏။

အချို့လူများ ပါဠိတော်ကို အဋ္ဌကထာဖွင့်
ခြင်းသည် အရှင်မဟာဗုဒ္ဓဃောကတို့ လက်ရာဟု အမြင်ကျဉ်းနေခြင်းသည် အထက်ပါ
ပါဠိတော်ကို ပါဠိတော်ဖြင့် ပြန်ဖွင့်သော
ပဒဘာဇနီအဖွင့်ဟန်မျိုးကို မသိ၍ ဖြစ်ပေ သည်။ မြတ်စွာဘုရား လက်ထက်ကတည်း က ရှင်မဟာကစ္စည်းစသော မထေရ်တို့
အကျဉ်းသံခိတ္တဒေသနာကို အကျယ်ဝိတ္ထာရ
ဒေသနာပြု ဟောကြားချက်များ ပါဠိတော်တို့၌ အများအပြား ရှိပေသည်။

ပါဠိတော် ပဒဘာဇနီနည်း, ဝိတ္ထာရဒေသနာ
နည်းနှင့် အဋ္ဌကထာဋီကာ အဖွင့်တို့ ပါဠိ
တော်ဟန် အဋ္ဌကထာဋီကာဟန် ကွဲပြားပုံ၊
ဘယ်က သဒ္ဒါနည်း ပိုပါ၍ ဘယ်က အနက်သာ အလေးထား ပရိယာယ်ပုဒ်ပွားပြပုံ၊ အရ
ကောက်အဘိဓေယျအဖွင့် ပါပုံအထူး၊
သင်္ခေပ-ဝိတ္ထာရစသော ဝါကျထားဟန်တို့ကို အကျယ် သုတေသနပြု လေ့လာသင်ကြား ရ
ပေမည်။

မြန်မာနိုင်ငံနှင့် နိုင်ငံတကာ ပါဠိဘာသာ
တက္ကသိုလ်တစ်ခုခု၌ ပါဠိဘာသာပြဋ္ဌာန်း
သင်ကြားပါလျက် ယခုလို စိတ်ဝင်စားဖွယ်အကြောင်းအရာများ မပါသေးက လိုနေ
သေးသည်ဟု မိမိ မှတ်ချက်ပေးလိုပါ၏။

အရှင်ဇနနန္ဒ။